طريقة عمل الاسكالوب بانية في البيت بكل سهولة

يعشق الكثير منا الاسكالب بانية فهو من الوجبات السهلة السريعة اللذيذة التي يحبها الصغار والكبار، وترغب الكثير من السيدات في تحضيرها بالمنزل، ومن خلال هذا المقال سنعرض لكم طريقة عمل الاسكالوب بانية في البيت بكل سهولة.

مقادير عمل الاسكالوب بانية:

½ كيلو لحم بقري مقطع شرائح رفيعة (بفتيك).

ثمرة طماطم كبيرة مفرومة فرمًا ناعمًا ومصفاة.

½ 1 كوب بقسماط.

½ 1 كوب دقيق.

2 بيضة كبيرة.

4 ملاعق كبيرة كريمة طبخ، أو حليب.

ملعقة كبيرة عصير ليمون.

¾ ملعقة صغيرة بابريكا.

½ ملعقة صغيرة بهارات مشكلة.

½ ملعقة صغيرة بودرة بصل.

¼ ملعقة صغيرة جوزة الطيب.

ملح وفلفل أسود.

طريقة عمل البوفتيك بطريقة سهلة

خطوات تحضير اسكالوب بانيه:

-في وعاء كبير، ضعي عصير الطماطم والبهارات والبصل وجوزة الطيب وعصير الليمون والملح والفلفل الأسود، وقلبي جيدًا.

-اضيفي شرائح اللحم وقلبي، ثم ضعيه في الثلاجة لمدة ساعتين، أو طول الليل.

-في وعاء، ضعي البيض والملح والفلفل الأسود والكريمة، وقلبي جيدًا.

-اغمسي شرائح اللحم في الدقيق، ثم البيض، ثم البقسماط.

-اقلي اللحم في زيت غزير ومغلٍ، حتى يُصبح لونه ذهبيًا.

-قدميه ساخنًا مع المكرونة، أو مع الخبز الفينو وشرائح الطماطم والخس والخيار المخلل.

اسكالوب اللحم مع صوص الكريمة:

المقادير:
نصف كيلو لحم ستيك بقري
ربع كوب دقيق
نصف كوب مكرونة ( اختاري النوع المفضل لك)
ربع كوب عصير العنب الأحمر
نصف كوب كريمة لباني
نصف ثمرة بروكلي
٤ ثمرات مشروم ( مقطع)
ثمرة بصل
ثلاثة ملاعق زيت
ملعقة بقدونس
ملح وفلفل

خطوات التحضير:

-ابدئي بتقطيع اللحم لشرائح رفيعة ( فى حالة إن كانت غير مقطعة جيدا) ثم انثري عليها الملح والفلفل واغمسي كل شريحة في الدقيق ثم اتركيها جانيا.
-قومي بسلق المكرونة والبروكلي كلِ على حدة (في وعاء خاص) وبعد أن ينضجوا اتركيهم جانبا.
-املئي مقلاة كبيرة بالزيت ثم سخنيه على النار وقومي بشي شرائح اللحم إلى أن يصبح لونها بني ثم ارفعيها من على النار وضعيها فى طبق جانبي.
-قطعي ثمرة البصل لشرائح وضعيها في الزيت المتبقي من التحمير ثم أضيفي البقدونس، الكريمة، المشروم، وعصير العنب.

-قلبي جيدا لدقيقتين وأضيفي ما تحتاجه الخلطة من ملح وفلفل.
-أضيفي المكرونة المسلوقة والبروكلي إلى الخليط وقلبي مرة أخرى.
-انتهي بتقديم شرائح اللحم مع خليط المكرونة وانثري قليل من صوص الكريمة على السطح.

أنواع قطعيات اللحمة

الإنتركوت
الإنتركوت.. جزء من الصدر

بالإنجليزي اسمه الــ rib eye ودي أهم وأفضل حتة في الدبيحة كلها تنفع للستيك اللي بنشوف عليه خطوط الشواء المميزة. سريعة تماما في الشوي والتحمير ونسبة دهونها متوازنة وده اللي بيديها الطعم المميز.

البيف فيليه
البيف فيليه.. منها بتطلع الـ T bone steak أو حتة الستيك اللي فيها عضمة على شكل حرف T، واللي بتكون مميزة جدا بشكلها وطعمها حلو وغالية جدا كمان .من الحرام بصراحة إننا نظلمها بإننا نقطعها أو نطبخها بأي طريقة غير الستيك ده.

الــ Rump
الــ Rump أو باقي امتداد البيف فيليه، دي سعرها أرخص من الريب آي (نمرة 7)، وفي الوقت نفسه مناسبة تماما للشوي ولعمل الستيك.

وش الفخدة
وش الفخدة مكونة من عضلات قوية جدا.. ألياف خشنة وصعبة.. طعم غير مميز عشان مافيهاش دهون خالص تقريبا. دي مناسبة تماما لمفروم العصاج وكمان مناسبة لعمل الاسكالوب بانية والبوفتيك.

أضلاع الصدر
أفضل حاجة للحتة دي هي الشوي بكل أنواعه، يعني ممكن نعملها كباب أو شوي بطيء وتتقطع شرايح أو تحمير سريع أو تحمير بطئ.

ضهر الفخدة
ضهر الفخدة خالية من دهون وأليافها ناشفة وقوية جدا ومفتلة، حتى مع السلق البطيء مش بتستوي كويس،

الأفضل ليها الفرم وبالذات إنها مفيش فيها دهون، فاهتبقى مفروم صافي وده أغلى أنواع المفروم، أو تتعمل شاورمة (شوي بطيء وتقطيع رقيق جدا).

الفيليه أو عرق الفيلتو
دي بقى أفضل جزء لأنها أطرى وأرق حتة في الدبيحة كلها. مش بتاخد وقت خالص في التسوية، يا إما تتعمل على بعضها عرق لحمة باردة أو فيليه أو بيكاتا مع صوص أو ستير فراي (التحمير السريع زي الأكل الصيني).

الخاصرة أو هبرة البطن
حتة لحمة رقيقة جدا وطعمها مميز جدا وفيها نسبة من الدهون. مناسبة لكل حاجة من أول السلق لحد الشوي والكباب والتحمير والفرم.

اقرأ أيضا: خطوات سهلة وبسيطة لعمل بفتيك اللحم

للمزيد على السوشيال ميديا .. تابعونا على صفحة كلام نواعم على الفيس بوك