فاطمة محمد تكتب.. صفقات من القسم التاني تنتظر التألق فى الدوري الممتاز

البداية مع نادي بيراميدز عمل فترة ميركاتو مميزة جدا ضم محمد عادل امو من مصر المقاصة وهو لاعب مميز سجل حضور قوي مع فريقه في الموسم اللي فات بدوري القسم التاني في مجموعة الصعيد ..

كمان ثنائي نادي شبان قنا اللي لعب في مجموعة الصعيد حسن خطاب وعبد الله هاشم وقعوا لنادي الجونة اللي صعد حديثا للدوري بعد غياب موسمين في دوري القسم التاني ، والجونة كمان من الاندية اللي عملت فترة ميركاتو جيدة ..

ومن مجموعة القاهرة انتقل مصطفي معوض اللي تالق مع نادي بتروجيت الي نادي الداخلية بعد ما نجح الداخلية في البقاء الموسم الماضي في سيناريو درامي جدا امام نادي اسوان ونفس الامر انتقل انس شندي لاعب منتخب السويس الي نادي الداخلية عشان يبقي ضم الداخلية 2 لاعيبة لغاية دلوقتي من اندية القسم التاني ..

ومن نفس مجموعة القاهرة ومن نادي بورتو السويس انتقل حسين حسني الي نادي فيما إنضم حسين حسني من بورتو سيراميكا كليوباترا اللي عمل اكتر من صفقة في المييركاتو الحالي وعارفين ان سيراميكا هو بطل كاس الرابطة المصرية في تاني نسخة ليها علي حساب النادي المصري ..

ومن نادي سبورتينج انتقل احمد غنيم الي نادي الاتحاد السكندري واللي هايبدا الموسم مع ادارة فنية جديدة تحت قيادة كابتن طارق العشري كمان انتقل لزعيم الثغر اللاعب عمرو صالح من نادي وادي دجلة وضم كمان الاتحاد اللاعب هاني الطامي من المنصورة واخر لاعب ضمه الاتحاد من القسم التاني كان اسلام زيادة لاعب نادي مصر المقاصة يعني الاتحاد ضم 4 لاعبين من القسم التاني احمد غنيم وعمرو صالح وهاني الطامي واسلام زيادة ..

من نادي لافيينا اللي بيلعب في مجموعة الصعيد واللي كان قريب من التاهل للدوري الممتاز انتقل نجم الفريق رجب مارو للنادي المصري اللي عمل ميركاتو مميز جدا لغاية دلوقتي ، كمان انتقل اليو جاتا من نادي بترول اسيوط لنادي الجونة ..

دي بعض الصفقات اللي ابرمتها اندية الدوري الممتاز من لاعبي القسم التاني واللي اكيد عندهم اختبار وتحدي كبير باللعب في دوري الكبار واحتمال طبعا نشوف منهم اسماء ابقى نجوم كبيرة بعد كدة، وهاقول بعض اللاعبين الكبار اللي تالقوا في الكرة المصرية وأصبحوا نجوم كبار جدا في عالم كرة القدم كانت بدايتهم باللعب في أندية القسم التاني..

وللمزيد على السوشيال ميديا .. تابعونا على صفحة كلام نواعم على الفيس بوك