مطبخ نواعم

طريقة عمل مكرونة النجرسكو

تعد وجبة النجرسكو من الأطباق المفضلة لدى الكثير، فهو أحد أشكال المكرونة بالبشاميل المعتادة، ويمكن تحضير هذا الطبق في المنزل والحصول على ألذ مكرونة نجرسكو بالفراخ بكل سهولة، والتوقف عن شرائها من الخارج لعدم ضمان نظافة المكان.

مقادير عمل المكرونة النجرسكو:

كيس مكرونه بنا مسلوقه تلتين سوا (ايطاليانو)
نص كيلو ميكس جبن ( موتزريلا و شيدر)
نص كيلو فراخ مكعبات صغيره
ملح و فلفل اسود
بابريكا و بهارات سبعه
رشه سكر
بصله كبيره شرايح
٢فلفل الوان شرايح

طريقة عمل مكرونة النجرسكو

للبشاميل:

كيلو و نص حليب
٤ معالق دقيق
معلقه كبيره سمنه
نص كوب كريمه طبخ
٤ مكعبات جبنه كيري
ملح و فلفل اسود

طريقة تحضير المكرونة النجرسكو:

1: في طاسه هنحط زيت و لما يسخن كويس هننزل بالفراخ و لازم تاخد صدمه ( عشان متنزلش المياه بتاعتها) و لما تبدأ تاخد لون هننزل بالبصل و الفلفل و البهارات و نقلبهم كويس حتي تستوي الفراخ و نرفعها من النار..

2: في حله علي النار هنحط السمنه و الدقيق و نقلب حتي يبدأ لون الدقيق يفتح، و ننزل بالحليب تدريجيا مع التقليب و نضيف الملح و الفلفل و الكريمه و الجبنه الكريمي نقلب علي نار متوسطه حتي يبدأ القوام يثقل شويه و نرفعه من النار..

3: في صينيه بايركس نضع شويه بشاميل في الارضيه و نخلط المكرونه مع الفراخ و نقلبهم و نضيفها في الصينيه و نغطيها بالبشاميل و ندخلها فرن ساخن علي الرف الاوسط علي درجه حراره ٢٢٠ حتي تغلي و نضيف علي وشها الجبنه و ندخلها تحت الشوايه حتي تحصل علي لون ذهبي، و تقدم.

طريقة عمل مكرونة النجرسكو

سر نجاح تحضير نجرسكو الدجاج:

*طهى المكرونة وحدها والدجاج وحده يسرع من تحضير الوصفة حتى تكتسب المكرونة طعم الصوص، من الممكن إضافة القليل من صوص البشاميل للمكرونة وتقليبها قبل وضعها في صينية التحضير.

*من الممكن سلق المكرونة نصف سواء ، لأنها ستدخل الفرن مرة اخرى.

فوائد نجرسكو الدجاج: 

تناول نجرسكو الدجاج يساعد على زيادة طاقة الجسم بسبب وجود الكربوهيدرات.
تناول نجرسكو الدجاج مفيد لمرضى السكر.
نجرسكو الدجاج غني بالألياف لذلك يجعل الجسم يشعر بالشبع لمدة طويلة.
كل صغيرة تكفي فرد واحد ( 63 جرام) تحتوي على 427 سعر حراري.

اقرأ أيضا: مقادير عمل كفتة الأرز الصحيحة

للمزيد على السوشيال ميديا .. تابعونا على صفحة كلام نواعم على الفيس بوك

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى