كلام في الكورة مع ” الشقية” ساندي مراد .. طموحاتي كبيرة في الفن .. صلاح واحد بس وممكن اقدم برنامج رياضي
هي احد ابرز الوجوه صاحبة الاطالة الجميلة على الشاشة خلال الفترة الأخيرة، ظهرت بشكل مميز في العمل الفني حريم كريم الجزء التاني مع أبطال الفيلم مصطفى قمر وداليا البحيري وبسمة وعلا غانم، شاركت في بطولات أعمال درامية وسينمائية منها الكبير اوي و ب ١٠٠ وش وكوفيد ٢٥ والإنسة فرح، هي الفراشة الشقية ساندي مراد صاحبة الاطلالة المميزة..
حاورها كلام نواعم في علاقتها بالكرة وانتمائها المحلية والعالمية بجانب متابعتها لنجوم الكرة ..
———–
في البداية بتشجعي كورة من امتى؟
من ايام الكلية بس
الاهلي ولا الزمالك ؟
الاهلي
امتي اخر مرة روحتي فيها استاد؟
ولا مرة بس بفكر اكيد
بتشجعي مين في أوروبا؟
ليفربول عشان محمد صلاح
هل ممكن يكون عندنا محمد صلاح جديد؟
كل جيل هايبقي فيه بطل بس هايفضل صلاح واحد بس
هل ممكن تقدمي برنامج رياضي؟
ممكن جدا لية لا خصوصا اني كنت بلعب كاراتيه من وانا عندي ١٢ سنة
لو عملتي فيلم عن الكورة مين اللاعب اللي تحبي يكون البطل قدامك؟
اكيد محمد صلاح صاحب اكبر شعبية في العالم العربي
توقعتي نجاح حريم كريم الجزء التاني؟
طبعا عشان الجزء الأول كان مرتبط بذكريات ناس كتير كلنا كنا مستنين نشوف جزء تاني عشان نحس ان الزمان ماعداش
نفسك توصلي لفين في الفن ؟
نفسي اولا ابقى مغنية اغانيها تعيش واي حد يسمعها يتشجع واكيد نفسي اكون ممثلة سنيما كبيرة
شايفة تأثير السوشيال ميديا على المجتمع ازاي دلوقتي؟
تأثير إيجابي وسلبي عشان كله بقى مسموع الكبير والصغير وقضايا كتير ببتحول لراي عام من خلال السوشيال ميديا
هل نجاح الممثلة بيكون للاجمل ام لااكثر ثقافة ام الاكثر جاذبية ؟
الممثلة الناجحة لازم تكون موهوبة وبعد كدة تبقى جميلة ومثقفة وجذابة
صح ولا غلط :
ساندي شخصية اجتماعية؟
اة بحب الناس
بتاخدي على الناس بسرعة؟
باخد عليهم بشكل سطحي ممكن اهزر واضحك مع ناس اول مرة اشوفها بس مايعرفوش عني حاجة
الارتباط قرار له ميعاد في حياتك؟
كل حاجة ليها وقتها
ساحل ولاجونة؟
دهب
صيف ولا شتاء؟
صيف على طول
كاجول ولا فورمال؟
فساتين
آخر سؤال :
قدامك عمل فني دور ثانوي مع احمد عز والتاني دور بطولة مع محمد رمضان تختاري مين؟
العمل مع الاثنين إضافة كبيرة اتمناها طبعا
وللمزيد على السوشيال ميديا .. تابعونا على صفحة كلام نواعم على الفيس بوك
